|
олмайдилар. Шу билан бирга бу ерда кофирларнинг мусулмонларга нисбатан адовати қанчалар катталиги ҳам кўрсатилган.
وَمَن يَرْتَدِدْ مِنكُمْ عَن دِينِهِ فَيَمُتْ وَهُوَ كَافِرٌ فَأُوْلَـئِكَ حَبِطَتْ أَعْمَالُهُمْ فِي الدُّنْيَا وَالآخِرَةِ وَأُوْلَـئِكَ أَصْحَابُ النَّارِ هُمْ فِيهَا خَالِدُونَ
(Сизлардан ким ўз динидан қайтиб, динсиз ҳолда ўлса, ундай кимсаларнинг қилган амаллари дунёю охиратда беҳуда кетур. Улар дўзах эгаларидир ва унда абадий қолажаклар).
Бу оятда муртад бўлиб, кофир ҳолида ўлиб кетадиганларнинг аҳволи баён қилиняпти. Улар ҳақида икки иш юз беради:
а) Қилган амаллари ҳабата кетади. Муртад бўлишидан олдин қилган ҳамма амаллари ҳатто ҳаж қилган бўлса, шу қилган ҳажи ҳам ҳабата кетади.
б) У жаҳаннам ўтида абадий қолади. Чунки у кофир ҳолида ўлди.
Бу ерда Аллоҳ Таоло амалларнинг ҳабата кетишини муртад ҳолда ўлиш билан боғлаяпти, қайдлаяпти, дейилмайди. Чунки оят
وَمَن يَرْتَدِدْ مِنكُمْ عَن دِينِهِ فَيَمُتْ وَهُوَ كَافِرٌ فَأُوْلَـئِكَ حَبِطَتْ أَعْمَالُهُمْ
деган гапнинг ўзигина эмас. Агар шунинг ўзигина бўлганда амалнинг ҳабата бўлишига муртад ҳолда ўлиш олиб борган бўларди. Лекин оятда
وَأُوْلَـئِكَ أَصْحَابُ النَّارِ هُمْ فِيهَا خَالِدُونَ
деган гап ҳам бор. Яъни, оятда муртад бўлиб, шу муртадлигида ўлган киши учун икки натижа кўрсатиляпти. Улардан бири амалнинг ҳабата кетиши бўлса, иккинчиси жаҳаннам ўтида абадий қолишдир.
Лекин агар кимдир муртад бўлсаю аммо ҳали ўлмаган бўлса, бундай кимсанинг ҳолатини Аллоҳ Таоло бошқа оятларда баён қилган:
وَمَن يَكْفُرْ بِالإِيمَانِ فَقَدْ حَبِطَ عَمَلُهُ
– „Кимки имонидан қайтса, унинг қилган амали беҳуда кетиши аниқдир“. [5:5]
لَئِنْ أَشْرَكْتَ لَيَحْبَطَنَّ عَمَلُكَ
– „Қасамки: агар мушрик бўлсанг, албатта қилган амалинг беҳуда кетур!“. [39:65]
Бу гаплардан шундай маъно келиб чиқадики, муртад бўлган кишининг амали ҳабата кетади. Агар у муртад бўлмасидан олдин ҳаж қилган бўлса, кейин яна Исломга қайтса, унга янгитдан ҳаж қилиш вожиб бўлади.
Агар муртад бўлса ва шу муртадлигида ўлса, унинг амали ҳабата кетади ва ўзи жаҳаннам ўтида абадий қолади.
200-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208